Hoog teen Magaliesberg se bors –

Ontspruit bo aard se ruwe kors –

Pryk soos ‘n skone rantekroon

Die Hoërskool van Wonderboom

Deur werksaamheid – let op en sien!

Het in die jare hy gedien,

Deur op te bou en vas te boei

Aan God en volk, die jeug wat bloei

En of ons werk en of ons speel –

Gehoorsaam aan ons lewensreël

Staan hoog die leuse voor ons gees:

Te Groei en Dien:  Mag dit so wees!

Refrein:

Soos Reuse-Boom uit Wondersaad

Steeds wil dit groei deur dienstig daad;

En bonkig teen die luglyn blou,

Oor Krugerskroos die hoede hou.

J.A. van der Walt